[A] [AW] [B] [CH] [D] [E] [F [G] [NG] [H] [I] [J] [K] [L] [M] [N] [O] [P] [R] [S] [T] [U] [V] [Z]
Krismas | Hnemtu | Thalai | Isua Tuarna | Naupang |

Hneh theih loh nun ka nei
Phuahtu: Lalruali

Hneh theih loh nun ka nei,
Lal Isua min pek kha;
Hmangaihna nun thianghlim,
Hneh zel tur nunna chu.

Isua tan rinawmah ka inpe,
Amah ringin, amah ringin;
Ka hmangaihna ka rawn hlan e,
I tan tifamkim rawh.

Hneh theih loh nun ka nei,
Khawvelin do mah se,
Chapo leh heknate,
Hneh zel tur nunna chu.

Hneh theih loh nun ka nei,
Rinhlelhna thlipuiin,
Ni tin min nuai mah se,
Lallukhum ka chang ang.

Haleluia! Fak r'u,
Hnehtu Lal ropui chu;
Chatuan ral hma loh chuan,
Hnehtu a ni zel ang.

HNEH THEIH LOH NUN KA NEI
Lalruali

Lalruali (1924-2001) hi Dokunga Khiangte (Khûpthlang) leh Changlali Chawngthu te fa a ni a. Sihfa khuaah February ni 13,1924-ah a piang a. An lal fapa Ngurenzauva nen an pian rual avangin an lalnu Thanchhungin SIHFA LALRUALI tiin a hming a sa a ni.

Naupan lai atanga mi hlim thei leh thian kawm thiam tak a ni. Lehkha thiam thei tak a ni a, pawlthum scholarship hmu pha ngei tura a zir laiin January thla chawhnu, kum 1936-ah chuan a khûp a lo nâ a, khum betin a mu ta reng mai a. A natna chu ruh nget (Osteomylitis) chi a lo ni a, Durtlang damdawi inah kum tam a awm a, May, 1962 atang khan Rev. Dr. R.K. Nghakliana remruatnain Hospital Evangelist in a thawk ta a ni.

A vanduai asiamin August, 1983 khân a tlu sual leh hlauh mai a, damdawi ina a khum man tur thisen chaw bûr ruakin pangpar a siam a, chu chu Rs 10/-in a hralh thin.
(Lalruali hla phuahte hi Kristian Hla Bu-ah pathum telh a ni a:
1. Ka chenna ram thlaler a ni Lalpa tih hi 1983-a en that khan telh a ni.
2. Hun kha leh chen min kai hruaitu tih leh
3. Hneh theih loh nun ka nei tih hi 2003-a enthat khan telh leh a ni - K.Zl).
Hneh theih loh nun ka nei tih hla hi 1965 kum tir khan Pathian hnenah, 'Thla thum chhung chuan Isua tih angin ka ti ang a, Isua ngaih angin ka ngai bawk ang,' tiin thutiam a nei a. Hun engemaw chen chu a ti thei mai a; mahse; amah sawichhiatna thâwm a hriat chuan a lo ngaidam reng thei ta hauh lo mai a. Chu chu a inhriat chhuah chuan rawngbawl tlâk niin a inhre ta lova. Rawngbâwl tura a kal mek lai chu kir leh mai a duh a, chutiang thil a ngaihtuah lai chuan a thinlungah Lal Isua thusawi: 'Nangni pawh kal bo ve in duh ta e lo?' tih thu kha a lo lang a. Inchhirin lungawina a chhar chhuak ta a ni. "He nun hi zawng engmahin a hneh thei dâwn lo a ni e," tiin 'Hneh theih loh nun ka nei,' tih hla hi kawng laka lehkha them a chharah chuan a ziak chhuak ta mai a ni. He hla a phuaha Bible châng a mah hneh em emtu chu Rom bung 6-na hi a ni.

A thlûk siam turin Rokunga a ngen a, a ni'n a thlûk tur a hmu thei tlat lo. Kum khat zet hnuah Rokunga chu Durtlang damdawi ina a awm laiin, a zan muhil thei lovin hla thlûk a dawng nawlh mai a. A ziak chhuak a, mahse, a thu a nei si lo.

Lalruali hnenah hmana a hla thu kha a dil ta a, siam danglam pawhngai lovin a thu leh a tlûk hi a lo inrem thlap mai a ni. Lalruali chuan, 'He hla hi Pathian min pek,' a ti a. Rokunga pawhin, 'A thlûk hi Pathian min pek,' a ti ve bawk a, 'Pathian hla' tiin an vuah ta hial a ni (Kristian Hla Bu bihchianna by V.L. Luaha Renthlei p - 467&560).
Mihringte ngaihah chuan Lalruali hi nu vanduai tak, ramtuilei lo kan tih ang ni ni mahse, amah hmangaihtu Pathianin a awmpui a, a taksa leh a lei hring nun chu hrehawmnain hneh thin mahse; 'Hneh theih loh nun, Lal Isua pek kha a neih tlat avangin mi vannei ber a lo ni ta a ni.
"Hneh theih loh nun ka nei,
Rinhlelhna thlipuiin,
Ni tin min nuai mah se,
Lallukhum ka chang ang..." tia a lo sak thin chu a taka changturin September Ni 3, 2001 khân a Lalpa hnenah a kal ta a ni.
Hneh theih loh nun ka nei,
Lal Isua min pek kha;
Hmangaihna nun thianghlim,
Hnehzel tur nunna chu.   tih hian ringtu tam tak,  hneh zel thei lo va khawvel nunin min hneh leh zawk mai thin hi, min va cho ve le! Hmeichhe âwm nem zawk pawhin hneh zel tur nun a neih theih chuan, kan hneh ve zel dâwn lawm ni? Hneh theih loh nun i nei ve tawh em le?
Kan lo hlawhtlin deuh te hian chapo mai a awl thin. Miin min hek châng te pawh a awm thei e; chutiang hunah chuan -
"Hneh theih loh nun ka nei,
Khawvelin do mah se;
Chapo leh heknate,
Hneh zel tûr nunna chu..." kan ti ve thei ang em? He nun hi kan mamawh ber a ni si.
Thupuan 2:4-a Ephesi Kohhran Lal Isuan a demna kha, a hmangaihna hmasa a bânsan vâng a nih kha.
Lalruali ang hian -
"Isua tân rinawmah ka inpe,
Amah ringin, amah ringin;
Ka hmangaihna ka rawn hlân e,
I tân tifamkim rawh..." tiin kan hmangaihna hi Lal Isua tan i hlân ve ang u.
Pathian hrin tawhphawt chuan,
Khawvela ngam zel si a;
Hei hi a ni khawvel hneha ngamna chu,
Kan rinna hi (I Joh 5:4).

Ziaktu - K. Zalawma
   Facebook      Twitter    :    Views(2597)


Hla thu leh phuahtu-ah te hian dik lo a awm a nih chuan siamthat theih a ni a. Siam tha tur erawh chuan Mizolyrics.com-ah hian in register phawt a ngai thung.

Youtube Link leh MP3 bakah he hlasa ve tu dang zaithiam hming dah luh belh theih a ni bawk.

Hla thu, phuahtu emaw thil dang dik lo a awm a nih chuan a hnuaiah hian ziakin min rawn hrilh dawn nia



Your Email Address:

Hla Thu hi a dik lo a awm a nih chuan siamtha la


Editor leh Admin chauhin Hla thu hi an tidanglam thei.

Hla Phuahtu hi a dik lo a nih chuan tidik rawh le


Hla phuahtu tidanglam turin mizolyrics.com ah hian login phawt la.

Zaithiamte (Singers)emaw Group/Band he hla satu dang an awm a nih chuan dah belh la


Hla satu dah lut turin mizolyrics.com ah hian login phawt la.

He Hla Youtube a mi zaithiam sak i hriat chuan dah theih a ni.


Youtube Video dah lut turin mizolyrics.com ah hian login phawt la.

He hla mp3 link i hriat chuan dah lut la


Youtube Video dah lut turin mizolyrics.com ah hian login phawt la.