Ringnan ram inhawi a um ka hriet,
A ropui zie hril thei ruollo chu;
Chatuonin nisa neka varah,
Isu kuomah vana um ka nuom.

Vana um, vana um,
Isu kuomah vana um ka nuom;
Vana um, vana um,
Isu kuomah vana um ka nuom.

Pathien Lekhabu Thu ka tiemin,
Malsawm pekna hmuin ka lawm a;
Phingtamhai le dangchar bo a ta,
Chu rama chun chauhai chawl an tih.

Vanram inhawi zie tum hril thei ding?
Thlaphang le lungngai a bo tah;
Mitthi ngaihai, tap hai, nat hai leh,
Vanrama chun um nawk ta naw nih.

Vanram inhawia chun um dingin,
Pathienin misuolhai a fiel;
Tukhawm a fielna thu zawm nuon chu,
Chu ram inhawia chun cheng an tih.