MizoLyrics.Com Mizo Lyrics - Aw lalpa davida leh a thlah arsi

Aw Lalpa davida leh a thlah arsi
Phuahtu: Patea
Doh is C

Aw Lalpa, Davida leh a thlah arsi,

I felna ram atan nangin min buatsaih;

Ka lawmna tuifinriat angin a liam a,

Thih lui kamah zaiin i hming ka fak ang.

Aw Lalpa, zaiin i hming ka fak ang,

Khawvela i siam zawng zawng zai se;

Lalpa chawimawi nan awte chhuah r'u;

Lei lung hi zaiin a lo khat ang.

Mihring ka nih hma pawhin Lalpa Isu,

Thisena man dang beisei lova min tlan;

Chhiar sengin han hrethiam teh reng ila aw,

Khawvel zaia tikhat turin ka bei ang.

Lalpa, khawiah nge ni hmun min buatsaih?

Daniela angin tukverah ka thlir ang;

Rangkachak thianghlim leh a hmun ropui chu,

Hrehawmah pawh thingthi talin ka thlir ang.

Aw, Imanuel lei leh van thar siam chu,

A dung leh vangahte han leng ve ila;

Buaina tinreng tuara ka then takte kha,

Van ropuina hain an hmel ka hmu ang.

:

Patea Hlate

Mizo Lyrics Available at