MizoLyrics.Com Mizo Lyrics - Ka thla va kal ta la jerusalem daiah

Ka thla va kal ta la jerusalem daiah
Phuahtu: Patea
MKHTB(1936) 75, MKHTB(2007) 48
Doh is C

Ka thla va kal ta la, Jerusalem daiah,

Kalvari mual leh, thing leh thlan leh, thisen va en la;

Chutah va cham reng la, mipui kal liam mah se,

Lal remtih hun a ruang lak thlak,

Thlan hawn thlengin en rawh.

A na lua e ka ti! Ka hmangaih Chhandamtu,

Thisen lova chhandam theih ni selangin ka Lalpa,

Van khua nguiin Saron par a tliak lo tur;

Mahse Isu, i tan van pui a chim.

Aw ka Lalpa duh tak, i lalṭhutthleng enin,

Ka tan tuara mi thlan ruak van Lal Fa i zal chu;

A na lua e ka ti! A na lua e ka ti!

Engtinnge maw ka tih tak ang,

Thlan lung an khar zo ta.

Ka vakvai dawn em ni, Lalpa khawnge i awm?

Kalvari tlang chunga thla i hmel ka hmuh lai kha;

Tunah ka bei a dawng, ka lungngaih a lo zual,

Ka Lalpa lungngai hmel leh aw,

Ka thinlungah a cham.

Ka man thisen a ni, van Lal ta ka lo ni,

Khawvel sum rangkachak lova thisena tlan ka ni;

Ka Pa in lam ka hria, buaina chhum piah ramah,

Chutah Ama'n min la hruai ang,

Zaion tlang ka ramah.

:

Patea Hlate

Mizo Lyrics Available at