MizoLyrics.Com Mizo Lyrics - Hmanah nun hlui a chul tawh hnu

Hmanah nun hlui a chul tawh hnu
Phuahtu: Patea
MKHTB(2007) 315
Doh is C

Hmanah nun hlui a chul tawh hnu,

A lanna tlang awm maw!?

Chuan zel ila, romei karah,

Nghilh ni a awm dawn lo.

Min hnem la Lal Imanuel,

Ṭah lai ka bang ang e;

Khuarei ngaih chu tlang romei angin,

A lo kiang leh ang a.

Chung khua lo ri thinlai a nghawr,

Nun hlui ka ngai zual ṭhin;

Lal lai par tlan lenrual kim leh

Rihsang kai min ngaihtir.

Thlafam ka ngai nau ang ka ṭap,

Min hnemtu an awm lo;

zarva anga hlim lai ni kha,

Hmuh ni awm leh ang maw?

Ngai mah ila nun hlui mual liam,

Rairah ka riang thlawn e;

Ka thlir ang thangvan sang khua nuam,

Nem te'n ka pal dai ang.

:

Patea Hlate

Mizo Lyrics Available at