MizoLyrics.Com Mizo Lyrics - I thisen luantirin hmangaihna a luang chhuak

I thisen luantirin hmangaihna a luang chhuak
Phuahtu: Patea

1. I thisen luantirin, hmangaihna a luang chhuak,

Khawvêl hnam ze tinrengte tân;

Thisen i fartîr a,

Lâwm thiam ila, Haleluiah;

Lalpa i tlan zo ta.

Aw, i sulhnu ka rawn fan chuan,

Kalvari thing ânchhedawng chu;

Ka Lalpa i chawlh hmun a ni.

2. Aw ka Lalpa Isu, i hmangaih ropui chu,

Zaia sain hril mah ila;

Aw, ka hril sêng dawn lo,

Lei leh vân leh hremhmun pawhin,

An hril sêng bik lo vang.

3. Ka lâwm, Lalpa i tlanna Kalvari tlângah,

Hruai kir leh la, khawvêl hnam tin;

Lâwmin luang liam leh se,

I hming ropui leh hmangaihna

Fakin kan zai rual ang.

:

Patea Hlate

Mizo Lyrics Available at