1. Siamtu chung Pathian chuan lei dan atan,
Mipa mala awm phal lovin;
Kawppui awm mi a lo siam,
A rel thiam hringfa leng tan.
I lawmpui ang, kan unau tuak tharte,
Chawimawi a, hmangaihna thilpek hlanin;
Lungrualten lengdun turin
Duhsakna i hlan ang u.
2. Tirhkoh thianghlim kal hmasa Paula chuan,
Hei hi thuril thuk tak a ti a;
Krista leh a mo thianghlim,
Entir nan Lalpan a ruat.
3. He lei dam chhung hun hreawm leh nuam te,
Tawn chang nîte herchhuak thin mah se;
Chung Pathian hmachhuan zelin,
Damchhung ni te chhiar dun se.
4. Aw Lalpa, kan unaute malsawm la,
Chhungkimten fanau maltluan chawi a;
I rawng chauh bawl zel turin,
Hualhimin veng zel ang che.