Ramtiam lam panin chak lo tak chungin
Phuahtu: C. Lalzarmawia
Satu(te): C. Lalzarmawia, KC Lalthanzuali
Doh is F

KA THUPUI BER

Ramtiam lam panin, chak lo tak chungin,
Nitin ka kal a;
Mahse aw Lalpa, chimbuaitu an tam ngei,
Ka kal thiam lo.
Setana'n nitin min bei,
Nangmah kal bosan turin;
Mahse chak loh ber lai paw'n, ka peng ngam lo,
Lalpa, Nangin min chelh tlat rawh.

I ta ka ni e, Chatuan a tan,
Ka thiamna finna zawngte,
Lalpa i tan a ni;
Hei hi ka thupui ber
Nangmah fak hi.

Tunah aw Lalpa, hei hi ka hria a,
Lawmthu ka hrilh che;
Ka tlin loh anga nangin min pawmin,
Min lo duh si.
Ka sualna zawng zawngte hi,
Mite'n hrereng thin mahse;
Lalpa nang erawh chuanin, i theihnghilh si,
I hmangaihna ka fak fo vang.


He hla hi chuan chaklohna atangin chaknaah min khai chhuak fo thin. Kan sualna te miten hre reng thin mahse, Lal Isuan kan tan a tuar tawh avangin thai bo sak kan ni a. Pa hmaah thianghlimin kan lan ve theih nan. He khawvelah mite avangin kan sualna ten min rawn umpha leh thin mahse, Lal Isua zarah tihthianghlim kan ni. A va ropui em.

   Facebook      Twitter    :    Views(65834)