Khawvel rinumah ka leng hin
Phuahtu: Zumi
KHTB 64
KA KULPUI I NIH
Khawvel rinumah ka leng hin,
Suolin ka lungril a sukbuoi;
Ka lungril suol, khawvel thlir ta hnung hi,
Kalvari tieng chun thuoi nawk rawh.
Aw, ka Kulpui le ka Lal I nih,
Mi thangpui di'n Nang ka ngai che;
Khawvelah lawmna a um nawh,
Nangmaah chauh thlamuong ka tih.
Mi thi ngai, tap le inrum khawm,
Chu rama chun um ta naw nih;
Hnuoi rinum lungngaina khel hun ding chu;
Ringna'n thlir hin lung an leng ie.
Ka lungngaina le ka buoina,
Khela Lalpa kuom tlung ka nuom;
An rieng nauhai kan lawmna par mawi kung,
Aw ka Lalpa, Nang I lo nih.
Ka lungngai nihai tam sien khawm,
Aw, ka Lalpa mi thuoi pei rawh;
Chawlna ram inhawi hi ka tlung hma chun,
Suolna ral lien ka do zo nawh.
