Amin ruai ropui an theh a keia Lalpa chuan
Phuahtu: Rev. Thangngura
1. Ami'n ruai ropui an ṭheh a, keia Lalpa chuan,
Jerusalem khârdan chungnungah sâwn;
A taksa leh thisenin ruai lungchhiat thlâk chu a ṭheh,
Uain novah a zuk bunin he thu hi a sawi a,
"In mi hriat reng ṭhin nân hei hi ti r'u," a ti,
A chunga thil thleng turte chu a hre reng a.
Aw, a va riang ngei ve aw! Ka Lalpa ruai ṭheh chu,
Lungngaih chhum zing hnuaiah,
Lungngaih mittui nêna ka Lalpa ruai theh chu,
Kiltute chu doral an chang ta maw!
A va lainat thlâk ngai ve maw,
"Ka chhang eitu'n a keartui
Ka chungah a lek ta" tih ziak kha,
A lo thleng dawn ta maw!
2. Ruai ṭheh zovin an kal chhuak a, Olive tlângah chuan,
An hmaah lungngaih chhûmpui chu a zîng;
A zuitute nên ṭapin lungngaih chhûm zîng chu an pan,
A thihna no a in tur chu lo thleng lo hram tûrin,
A Pa Pathian hnênah Chhandamtu'n a ngên a,
Mahse, a in turin khuain a rêl ta maw.
Aw, tanpuitu an awm lo, van lal lungngaih tuar chu,
Zankhuaa ṭawngṭaiin,
A thlan thisen angin a lo far zawih zawih a,
Hei ang êm hian mi an lungngai ngai em?
A va lainat thlâk ngai ve maw,
A hrilh ava hai ngai ve maw,
En teh u, mi lungngai an man ta;
Mi sual pungkhâwmho sâwn.
3. En teh u, Zion khawpuia mipui pungkhâwm saw,
"Hosana" lo ti leh tur an ni em?
A lâwmna tumkaute pawh kha an keng ta si lova,
Hosana râwl a danglam ta, "Khengbet rawh," tihnain,
Tihelna puan sen leh hling lukhum chu khumin,
Kalvari tlâng panin mipuiin an chhawm ta.
Aw, phungrual an ṭin zo maw, rairah a rian ni chuan,
Mipui pungkhâwmho chuan,
An khenbehna turin kraws chu an puttir a,
Hei ang êm hian mi an riang ngai lo ve,
A va lainat thlâk ngai ve maw!
A en a va har ngai ve maw!
Thinglêrah, tuarin an famtir a,
Rilṭam tuihal tuarin.
4. Ka Lalpa tuarna natzia saw ka hril zo thei lo,
En teh u, a thih dân rapthlâkzia saw,
A kut, a ke, a nâkah hliam tuarin a fam ta a,
Lei leh vân pawh hi nghing rawh se, ka Lalpa thih ni chuan
Chunga tûrnipui pawh khi lo thim ve rawh se.
A siamtu Vân Lal Fa thla a fam ni chuanin.
Aw a ruang an kalpui ta, thlân khawhar nghak tûrin,
Kharlung ngui ruai chhûngah,
Leia suang lungpui saw vui dâr rikin ri se,
Vân mite pawhin lo sûn ve rawh se.
Lawm a va hun ta ngai ve maw,
Vântirhkoh thianghlim lo chhuk chuan,
Chatuan Lal tûrin a kaitho ta,
Haleluia, Amen.
Rev. Thangngura Hlate
Chhandamtu chu ka sual tlanin
Nunna thianghlim siamtu an duh lo Zionah
Sandamtu ei suol intlanin (Ei ta din a tuor zo)
Aw ka Chhandamtu hring i chan lai khan
Lalpa I hming lo zahawmin
Aw ka Lalpa nang bel turin
A va kiam sawt ngei em
Amin ruai ropui an theh a keia Lalpa chuan
Gethsemani huanah kan Lal Isua a tawngtai a
A va kiam sawt ngai em
Nunna thianghlim siamtu an duh lo Zionah
Sandamtu ei suol intlanin (Ei ta din a tuor zo)
Aw ka Chhandamtu hring i chan lai khan
Lalpa I hming lo zahawmin
Aw ka Lalpa nang bel turin
A va kiam sawt ngei em
Amin ruai ropui an theh a keia Lalpa chuan
Gethsemani huanah kan Lal Isua a tawngtai a
A va kiam sawt ngai em
