MizoLyrics.Com Mizo Lyrics - Gethsemani huanah kan lal isua a tawngtai a

Gethsemani huanah kan lal Isua a tawngtai a
Phuahtu: Rev. Thangngura

1. Gethsemani huanah kan Lal Isua a ṭawngṭai a,

Mipui an rawn inkhâwm, ka Lalpa chu manin;

A chung thu rêlin an ngai thiam lo ve,

Puithiam Lal in chhûngah a thihna an rêl.

Lungngaih chhûm a zîng (2)

Ka Lalpa an rawn bâwm, Kalvari tlâng chungah;

Hlîng lukhum leh thing ânchhe dawng lo chu,

Belh tûr dang a nei lo maw ka Lalpa chuan.

2. Aw, Simon Peter leh zirtîr lungngaite tho rawh u,

Ka Lalpa an hruai e, a thihna tur hmunah;

Vân laia lo tla, Vân Lal riangvai chu,

A lungngaih hnêm tûrin tumah an awm lo.

3. Leiah leh vân chungah a ṭhat mi sawi Chhandamtu chu,

Tihhlum mai in tum maw, Zion nunau te u?

A ṭhat lai nî kha in nghilh zo ta mâw?

In lâwm lai pâr a lâwm in damna pâr chu.

4. Aw Serafim leh vân Angelvârten zu thlir teh u,

Ṭanpuitu a vai e, in lawm lai Lal Isua'n;

Khawvêl sual phura a thlaphan laiin;

"A Pa a ko" an ti, lungngaihna aw in.

5. A en a va har êm! ka Lalpa Jordan kai tûr chu,

A tha a lo zawi a, a lu a zuk kûn a;

A thlarau a thlah, khaw lei a vâr a,

Sual leh doral ngamin Jordan râl a kai.

:

Rev. Thangngura Hlate

Mizo Lyrics Available at