MizoLyrics.Com Mizo Lyrics - A va kiam sawt ngai em

A va kiam sawt ngai em
Phuahtu: Rev. Thangngura

1. A va kiam sâwt ngai êm,

Kan khawvêl dam lai nî tawi tê hi;

Lâwmna pâr an chuai zo leh dawn ta,

Kan inṭhenna tûrin;

Lênkâwlah nî a lo êng ta e,

Inṭhen lohna ram ka va ngai ve aw!

Inṭhen lohna min hrilh ram mawiah chuan,

Kan unaute hian kan la châwl ang a;

Kan vêngtu Lal Krista,

Kan Chhandamtu lâwmna ke bulah;

Lungngaih a bo tawh ang.

2. Khawvêlah hi chuanin,

Ṭapin, rumin vâkvai mah ila;

Buaina râlah khian ram mawi a awm,

Kan Chhandamtu Krista;

Zuia kan nun kan lo phal ve chuan,

Chu ram mawiah chuan kan la châwl ang a.

3. Lâwmna pâr vulna hmun,

Chhandamtu Krista lênna hmun chu;

Ngaiin ni tinin ka han thlir a,

Vân Angel vârte leh kan rual hlui;

Kan ṭhen tâkte nên khân,

Engtik nge lâwmin kan inkhâwm ang le?

4. Kan unaute hianin,

Kan Lal tân i thawk ang ning lovin;

Hun hi ni tin a kiam zêl e,

Zîng Arsi mawi ropui chu,

A lanna hi a hnai ta e;

Thawhrim zawha kan la chawlhna tur chu.

5. Aw ka Lal Chhandamtu,

Kan lâwmna pârah nang lo vul la;

Khawvêl lâwmna pâr a chuai zo ta,

I hmêlah hi chuanin;

Lâwmna tinrêng hi a lang khâwm e,

Lâwmna pâr te, Saron pâr mawi i ni.

:

Rev. Thangngura Hlate

Mizo Lyrics Available at